Do aankhon ki drishti se
Saanjh ki bela chupke se hole hole aaye,
dheere dheere suraj ko sagar mein milaye,
ab tak kahin chupa baitha tha chanda jo,
azad ghume aasman mein ab parinda wo.
suraj ki dhoop ne dhak li thi chandni jiski,
dharti par beh rahi hai ab som ragini uski.
alsaya samudra hai ut tha suraj ko nigalne,
taron ka ek jhurmut chupke se laga hai nikalne,
sharmayi aankhon se woh tim timate gagan mein,
hazaron phool khil uthe hain jaise kare chaman mein.
raat ki chadar jab dhak leti hai is jahan ko,
dulhan ki tarah saja dete wo sare aasman ko,
dekh us sundar gagan ko matvala hota main,
bhool khudi ko, un taron ke ganit mein khota main.
hazaron deep jagmagate is nabh ke aangna mein,
aah! yahan hoti hai diwali har sandhya mein,
dekh us adbhut drishya ko mastishk hai kehta,
aa ae aasman! chaloon mein tujhe in do aakhon mein samet ta.
